影片
更多
2015-07-05
868 瀏覽
韓風仍然強勁，都係食韓國野穩陣。香港嘅韓國菜近年如雨後春筍，隨便食一間都好有水準架！第二次黎食奶奶，餐牌好似唔同左。唔少得先叫咗招牌菜安東奶奶雞，小姐同幾位朋友都唔食辣，不過係好濃味，最鍾意甜甜地個汁！半隻雞件數量唔算多，但配搭嘅薯粉入味得不得了，真係強烈建議加多啲薯粉呀，幾個人食每人都係得幾條>.<不過加埋青瓜等配菜又係抵讚，煮得夠淋令人回味。因為半隻雞唔夠分，所以再叫左梨花鐵板炸雞，超大碟，數埋有6-8塊雞，下面有大量芝士（心心眼），上面白色果堆係cream，炸雞既熱力令佢極速溶化，所以啲雞食落去甜甜地可以話幾得意又有啲奇怪，不過將3樣咁膩既食材放埋一齊，小姐食一塊就真係夠皮了...野人韓牛顧名思義係生架啦，嚟到嘅時候都驚驚地，因為真係好生下。只係外表輕輕燒過微焦，入面仲係凍凍地，不過食落一啲血水腥味都無，食完都唔知係生既！肉質嫩滑，牛味好香，點埋附上既醬汁非常好味。不過小姐覺得可能切得厚左啲，比較難咬開，可能薄片啲會更易入口。仲試左醬燒豬肋骨，燒到焦香，食落口感有啲似叉燒，但又辣辣地咁幾惹味。加埋面個既花生碎口感豐富，而且肉質夠淋。真露煮蜆足料，而且用茶壺裝住好有
唔少得先叫咗招牌菜安東奶奶雞，小姐同幾位朋友都唔食辣，不過係好濃味，最鍾意甜甜地個汁！半隻雞件數量唔算多，但配搭嘅薯粉入味得不得了，真係強烈建議加多啲薯粉呀，幾個人食每人都係得幾條>.<不過加埋青瓜等配菜又係抵讚，煮得夠淋令人回味。
因為半隻雞唔夠分，所以再叫左梨花鐵板炸雞，超大碟，數埋有6-8塊雞，下面有大量芝士（心心眼），上面白色果堆係cream，炸雞既熱力令佢極速溶化，所以啲雞食落去甜甜地可以話幾得意又有啲奇怪，不過將3樣咁膩既食材放埋一齊，小姐食一塊就真係夠皮了...
野人韓牛顧名思義係生架啦，嚟到嘅時候都驚驚地，因為真係好生下。只係外表輕輕燒過微焦，入面仲係凍凍地，不過食落一啲血水腥味都無，食完都唔知係生既！肉質嫩滑，牛味好香，點埋附上既醬汁非常好味。不過小姐覺得可能切得厚左啲，比較難咬開，可能薄片啲會更易入口。
仲試左醬燒豬肋骨，燒到焦香，食落口感有啲似叉燒，但又辣辣地咁幾惹味。加埋面個既花生碎口感豐富，而且肉質夠淋。
真露煮蜆足料，而且用茶壺裝住好有特色！食極都未食完啲蜆，侍應話個湯可以飲埋，但係好咸喎，好似飲緊加左酒既海水...
總括野食普遍口味都偏重／咸，一定要飲下野解下渴。飲品都好有特色，韓國啤酒溝菠蘿汽水，啤酒插係杯入面好大杯，一飲完就自動fill番返落去幾得意（當然係簡單物理定律啦），不過菠蘿味道唔太出。
好似開業有一年左右，食物質素真係唔錯，會繼續支持奶奶，希望餐廳可以不斷進步啦！
張貼
