滾得棧 (已結業)

第一次去滾, 見油麻地新鋪88折就試試, 交通非常方便, 離MTR幾步路。入面環境、坐位寬堂。2人都有卡位坐! 湯底要左蕃茄豆腐併麻辣。蕃茄豆腐湯味道唔算太濃, 入面仲加左芫茜、薯仔, d材料新鮮, 健康湯底。麻辣湯紅噹噹！頭一啖已經覺得d味幾勁, 麻味辣味滲透味雷。 例牌牛頸脊肉厚、份量多，唯牛味冇想像中感濃。墨魚滑幾彈牙, 好味！ 仲有牛心頂, 食口感, 啃落彈彈下, 好有咬口！黑栢葉就不討好, 唔係話賣相, 而是口感差, 碌離碌去都好鞋同韌, 咬不動了！🙅🏻🙅🏻響鈴細細條, 份量多, 皮唔算好脆, e樣最易側飽人！😂 賣單約7百幾, 整體ok, 邊爐料算新鮮, 份量幾多, 唯對湯底同牛頸脊過份憧憬了！