麒藝館 (已結業)

聖誕將至，放假心情濃厚，所以就放半晝去左銅鑼灣同朋友飲茶。朋友喺時代廣場返工，帶咗我去麒藝館度醫肚。餐廳裝修佈置高尚，店員服務態度良好。我地叫左幾個點心:大地魚未燒賣 (HKD 48)，原隻鮑魚花膠撻 (HKD 96)，唐酒花膠蟹肉蛋白(HKD 128)，麻婆豆腐日本帶子餃 (HKD 58)同埋天山雪棗無花果燉花膠 (HKD 78)。☀️原隻鮑魚花膠撻鮑魚整得好腍又大隻，賣相貴氣，撻皮酥軟鬆化，裡面釀滿花膠粒，簡直一流。☀️大地魚末燒賣有3粒，大大粒，上面有好多蟹籽，口感彈牙，味道唔錯。☀️唐酒花膠蟹肉蛋白賣相好吸引，有好多花膠，花膠件件厚身，有彈性得嚟軟腍，啖啖充滿骨膠原，底下嘅蛋白索滿花膠嘅鮮味，口感滑溜。☀️麻婆豆腐日本帶子餃賣相精緻，皮薄，餡料飽滿，裡面嘅麻婆頭腐，微辣，惹味。☀️天山雪蓮無花果燉花膠甜度適中，好滋潤，仲有微微嘅薑味，花膠滑溜，好適合冬天飲。至於茶我地就要左桂花烏龍茶 (HKD 20/位)，可以暖胃，特別啱哂我胃功能較差既人。茶味道清甜，有著淡淡桂花香味。