家賀屋

🐻👩🏻🐻👨🏽對日本菜既愛好真係中毒境界，時不時就要食返餐止下癮，今晚既目標係居酒屋，揀左歷史悠久既家賀屋，地點方便之餘食物質素有保證。一出銅鑼灣地鐵站行幾步就到家賀屋，餐廳裝修簡樸舒適，完全唔似有15年歴史。坐到打開餐牌🐻👩🏻只有一句花多眼亂，刺生壽司丼飯前小食炸物種類繁多，平時點菜迅速既🐻👨🏽都投哂降，咁啱撞正家賀屋15週年，啤酒有半價優惠，🐻👨🏽睇到即刻雙眼發光。先來道前菜酒盜芝士煙燻蘿蔔漬，一個好特別既組合，一邊咀嚼蘿蔔，芝士一邊慢慢咁係口中溶，兩種口感相異的食材不經不覺溶為一體，味道自然引人飲酒啦。🐻👩🏻見到就話要食既海膽龍珠卷，醬油漬過既蛋黃係口中慢慢爆發，配上鮮甜既海膽，真係必點！另一重點推介係原隻伊勢龍蝦刺身，仲要半價只係$288，龍蝦肉份量十足，肉質爽彈新鮮，味道甜美，真係物超所值，不過係限時優惠賣完即止。最後叫左大名壽司定食，有八貫不同種類既壽司，有炙燒拖羅，帆立貝，油甘魚，每款刺身都新鮮美味，配上赤醋壽司飯，真係食唔夠，定食仲有炸雞沙律，真係大件夾抵食，🐻👩🏻食完好滿足。