茶木‧台式休閒餐廳 (Citylink)

營業中

休息中

是日同同事慶聖誕，去左茶木lunch，不過都幾多人等，排隊都等左約二十分鐘先入得。最近，茶木係小丸子主題，所以都有唔少小丸子裝飾同埋一D products，但我唔係小丸子迷，所以冇咩感覺。食物方面，本來想食飯，點知店員話冇哂肉燥飯，甘即係完全唔洗揀飯啦，所以我只好食麵，揀左酥炸雞扒麵，同事揀左蚵嗲肉碎泡飯，再叫多個芝心雞翼share。先講果芝心雞翼先，好有驚喜，炸得好夠脆，芝心令到隻雞翼脹卜卜，賣相唔錯。不過，如果芝士再多D會更正。然後，講個麵，因為同事食飯，好快就上左，但係我果麵都等左幾耐下，要問店員先追到果麵。佢D酥炸雞扒同麵係分開上，甘樣幾好，唔洗驚D雞扒浸淋哂。佢果麵同一般牛肉麵一樣，冇話特別出眾。雞扒炸得夠脆，但食食下會覺得好口乾。整體黎講，因為客多加上飯市，店員真係人手好唔夠，好難先叫到店員過黎落單。