影片
更多
2018-02-23
928 瀏覽
同老公同小情人黎銀礦灣住返一晚, 訂左個情人節套餐黎慶祝1年半前黎食過呢間, 食材十分優質, 味道各樣都好掂, 抱住期待既心情黎食點知十分失望我唔鍾意俾劣評同唔希望遇到差既餐廳, 但呢間餐廳真係令我好失望, 再上網查返原來最近易手, 同之前既體驗相差太遠了首先我地6點半就準時去到餐廳, 坐近個玻璃窗, 同時間餐廳已係半滿狀態。 雖然係情人節, 都有唔少家庭客同兩公婆黎食 點菜我地前菜甜品沙律餐湯都係各一, 主菜叫左牛扒同豬扒, 發現前後左右都係咁叫法冇主見既叫法餐飲我叫左凍檸茶, 係附送好多茶葉。。。我想叫果汁, 因為我唔飲紅酒白酒, 佢話冇果汁供應, 但我走既時候見到有人飲梗果汁。。。餐湯一個白湯一個紅湯, 白湯係勁多麵粉勁咸好難飲, 但我個小情人好鍾意wor而紅湯係更難飲, 淡既冇味既又有d油.... 而白湯個碗邊全部都係湯沙律叫左中蝦同三文魚露荀, 等左15分鐘, 已經十分肚餓了..所以覺得份量唔夠... 而左邊既情侶比我地遲黎, 但上菜仲快過我地.. 係上左三文魚先, 有個光頭侍應走黎每台問一次有冇野漏... 我地食完2碟後又送多個三文魚俾我地.... 我地話已經食左喇, 佢先
1年半前黎食過呢間, 食材十分優質, 味道各樣都好掂, 抱住期待既心情黎食點知十分失望
我唔鍾意俾劣評同唔希望遇到差既餐廳, 但呢間餐廳真係令我好失望, 再上網查返原來最近易手, 同之前既體驗相差太遠了
首先我地6點半就準時去到餐廳, 坐近個玻璃窗, 同時間餐廳已係半滿狀態。 雖然係情人節, 都有唔少家庭客同兩公婆黎食
點菜
我地前菜甜品沙律餐湯都係各一, 主菜叫左牛扒同豬扒, 發現前後左右都係咁叫法冇主見既叫法
餐飲
我叫左凍檸茶, 係附送好多茶葉。。。我想叫果汁, 因為我唔飲紅酒白酒, 佢話冇果汁供應, 但我走既時候見到有人飲梗果汁。。。
餐湯
一個白湯一個紅湯, 白湯係勁多麵粉勁咸好難飲, 但我個小情人好鍾意wor而紅湯係更難飲, 淡既冇味既又有d油.... 而白湯個碗邊全部都係湯
沙律
叫左中蝦同三文魚露荀, 等左15分鐘, 已經十分肚餓了..所以覺得份量唔夠... 而左邊既情侶比我地遲黎, 但上菜仲快過我地.. 係上左三文魚先, 有個光頭侍應走黎每台問一次有冇野漏... 我地食完2碟後又送多個三文魚俾我地.... 我地話已經食左喇, 佢先發現係另一台未有三文魚
前菜
叫左鵝肝多士同海鮮酥皮盒, 鵝肝都okay大塊同幾好味, 而酥皮盒係勁細個包.. 又係等左10分鐘先有食物同光頭侍應再次走黎每台問一次有冇野漏... 見到後面有台家庭客個小朋友唔耐煩係度問有未呀...
主菜
冇期待就冇失望, 我地上次食個有骨西班牙豬扒係勁正, 食開牛既老公今次就叫左豬扒, 以為同上次一樣。 點知係茶餐廳果d硬硬地既豬扒, 當然質素係普通。。 而我就叫左牛扒, 8成熟, 真係好熟... 後面另一台就問個侍應有食物未, 因為佢地仲早過我地黎, 但上菜既次序唔係先到先有, 而係由近廚房果邊開始上.. 光頭侍應再次每台問一次有咩未黎同侍應再次上多碟牛扒俾我地.... 如果係好味既話我唔介意食埋佢
甜品
我地食完主菜等左15 分鐘都未有心太軟同cake..而左邊果台比我地遲黎就食左一半個主菜就黎左甜品。。我發現左之後靜雞雞同老公講, 再過多5分鐘左邊台個女仔就舉手同侍應講佢地未食完唔想咁快上甜品.. 個侍應話個甜品上錯左, 應該上俾我地既, 就直接搬個甜品俾我地.. 我果刻真係勁o咀, 我知就算送返去廚房都係照上俾其他客, 但冇諗過佢咁公開同直接, 我問老公你介唔介意呀, 老公話個心太軟隔離個雪糕融左 叫侍應換新既個雪糕俾佢, 個侍應話冇問題, 點知再送上黎既時候係直接加多一個新既雪糕係舊既雪糕隔離.. 我真係xzy.... 我同老公真係食到無言
cake
臨走時見到隔離台有生日蛋糕, 我問點樣先有, 侍應叫我問前台。 話說我老公都係2月生日, 我打電話問過酒店個生日優惠時, 佢話情人節同農曆新年期間一定冇生日優惠
所以我訂左情人節優惠($999) 而生日優惠係($888) 送蛋糕, 講真我係食唔落個蛋糕架喇, 但我覺得俾酒店前台職員陰左一獲囉
總結
1. 餐廳易手後管理有問題, 連住宿都差左
2. 唔好拎呢度既服務質素同市區比較
3. 小朋友唔岩食呢度既食物, 結果帶佢去麥記醫肚, 發現咁大間麥記都係得2個店員. 推論離島地點請人好難
4.唔好係情人節 正日慶祝情人節又多人又貴又唔好食
5. 如果你好鍾意個海灘景 而對住情人都好開心既時候, 係可以黎呢度享受美景同放鬆自己
6. 我希望呢間餐廳可以回復以前既水準, 等我地第日再黎而唔駛揀商業化既愉景灣酒店同黃金海岸
PS。電話相冇哂, 等遲d升級左再補返相
張貼