影片
更多
2011-09-25
93 瀏覽
6月4日, 夜晚走喺電器道上, 正惆悵食乜野之際, 轉入琉璃街見到一間上海野, 名字叫上海弄堂, 店名同佢開嘅地方一樣, 就係一條小巷... 而適逢六四, 呢度地方好近維園, 所以人流都唔少, 我地就係咁吸引咗入去.::: 香菰烤麩 ::: $45不得不試這弄堂主理而又富特色嘅烤麩. 呢個香菰烤麩確實非同小可! 麵筋經過調製之後就係烤麩, 以冷盤作為開胃菜, 味道相當特別, 有d似滷水豆卜, 好索汁又夠煙韌, 好好味~ 加埋雲耳, 冬菇粒, 雖然係齋但係令嗜肉嘅我都食指為之大動!::: 排骨粗炒 ::: $68再來個飽肚嘅粗炒, 嘩都好大碟喎, 價錢雖然都係等於出面2碟. 但味道唔錯, 粗炒惹味, 豉油味鹹得嚟甜甜地, 質地都軟硬適中, 爽口~ 炸出嚟嘅排骨又唔會好熱氣, 香味夠, 肉地淋, 又唔會有豬扒嘅鞋口感~ 仲要椰菜都好入味, 整體都好配合, 又唔油膩, 食完碟底都冇乜油~::: 凈菜肉雲吞 ::: $35有8隻嘅菜肉雲吞, 隻隻都好整齊, 賣相唔錯~ 湯底有濃濃嘅醬油味, 更加添雲吞嘅鮮味~ 雲吞餡料嘅菜同肉比例均勻, 食得出菜嗰種清新味同濃濃嘅肉味, 好對稱嘅味道~ 難得雲
::: 香菰烤麩 ::: $45
不得不試這弄堂主理而又富特色嘅烤麩. 呢個香菰烤麩確實非同小可! 麵筋經過調製之後就係烤麩, 以冷盤作為開胃菜, 味道相當特別, 有d似滷水豆卜, 好索汁又夠煙韌, 好好味~ 加埋雲耳, 冬菇粒, 雖然係齋但係令嗜肉嘅我都食指為之大動!
::: 排骨粗炒 ::: $68
再來個飽肚嘅粗炒, 嘩都好大碟喎, 價錢雖然都係等於出面2碟. 但味道唔錯, 粗炒惹味, 豉油味鹹得嚟甜甜地, 質地都軟硬適中, 爽口~ 炸出嚟嘅排骨又唔會好熱氣, 香味夠, 肉地淋, 又唔會有豬扒嘅鞋口感~ 仲要椰菜都好入味, 整體都好配合, 又唔油膩, 食完碟底都冇乜油~
::: 凈菜肉雲吞 ::: $35
有8隻嘅菜肉雲吞, 隻隻都好整齊, 賣相唔錯~ 湯底有濃濃嘅醬油味, 更加添雲吞嘅鮮味~ 雲吞餡料嘅菜同肉比例均勻, 食得出菜嗰種清新味同濃濃嘅肉味, 好對稱嘅味道~ 難得雲吞皮都唔馬虎, 一貫上海雲吞皮比較厚, 但係食落又唔會一口麵粉, 一啖容易就咬得開, 放耐咗亦都唔會因為浸太多湯而散開~ 係好傳統的上海雲吞!
::: 凍豆漿 ::: $12
凍豆漿好清, 有豆味但係唔夠杰, 就比較唔啱我地口味…
食咗個正宗上海菜, 食咗新野, 算係有收穫~ 一路食都一路有人流, 生意幾好, 仲見到有日本人嚟食, 希望佢地繼續落去, 下次我地嚟食小籠包~
張貼
