朱敏記桑拿菜 (已結業)

之前搭車經過見到個門面已經好想試！朋友約食飯竟然俾咗呢間我揀，有時覺得去土瓜灣呢啲細區食飯好過去旺角，冇咁迫有多啲小店我哋三個人聚下舊叫咗幾個送飯小菜，推薦朱敏記生態魚頭王同小炒豬尾勁正！生態魚即係按生態友善方法飼養嘅本地淡水魚，但質素都唔會輸蝕比深海魚，淨係魚頭已經勁大個好多肉，金黃色嘅魚湯汁仲可以用來點薄餅，第一次咁食大開眼界另外，平時食開牛尾多，豬尾原來都幾正，條骨冇咁粗，所以肉同豬皮好多，用椒炒香左好香口見到舖頭都有唔同媒體報道，下次可以試埋其他招牌菜😍