Cafe Fresca (已結業)

何文田商場選擇不多，晨早流流九點幾，除咗麥當勞，3樓仲有依間 cafe Fresca。我冇食過依間餐廳，但由於太唔想食麥當勞，去馬吧。佢嘅早餐都有好多選擇，價錢亦都唔貴，如果係多士嘅話通常都係50幾蚊。我沒有勇氣去試無花果多士依個有少少奇怪嘅配搭，所以嗌左個穩打穩紮嘅 egg benedict & guacamole toast with hollandaise sauce，好彩冇令到我失望。分量唔算大，不過$58差唔多啦。佢都幾好味，特別欣賞佢將啲醋放喺度做伴碟，點埋toast幾好食，牛油果醬整得好碎，不錯，egg benedict 做到嗰種流心嘅效果，美中不足就係隻蛋唔算太熱，只能算係室溫，可能因為得一個職員，我見佢又收銀又做 waitress 咁，所以我哋食完咗好耐都冇人黎收碟。隨早餐附送嘅咖啡亦不錯，始終是一間Cafe，有質素。總括來講，可以再黎。