影片
更多
2018-05-25
360 瀏覽
一行五人夜晚去開尖沙咀，見到尖沙咀新開呢間元朗冰室，心血來潮好想食，之前喺深水埗同長沙灣食過，味道非常令人回味，點知今次喺呢間分店中伏! 個炸豬手竟然係可以整得硬到連牙都就黎咬爆都咬唔開，啲肉乾到柴皮。冇辦法食倒，唯有同著黑衫嘅侍應反映返，佢試用刀叉去切，但都切唔開，跟住佢走過去上菜窗口嘅位置（我估應該係同廚師講返），跟住冇幾耐佢行過黎話: ”個豬手係咁架喎，個豬手冇問題。” 跟住我覺得佢可能係唔清楚隻豬手到底有幾硬，基本上連刀叉都切唔開叫人點食落肚? 我話:“咁你試下咬開佢比我睇下。” 佢回應係:“我做緊野唔可以食野。” 佢再講:“個豬手係冇問題嘅，係咁樣嘅，係脆嘅。” 我心諗:“咁嘅大話都講得出？刀叉都切唔開竟然可以話係脆嘅!？係咪當我地真係識分硬同脆!？” 我唯有都同佢講返:“ 我明白你所形容嘅炸豬手食落應該出黎嘅效果，但而家枱上面呢隻豬手並唔係你所講果種效果，係想咬開黎食都食唔倒。” 個侍應好似有啲發悔氣咁話:“咁你而家想點樣？” 佢比我嘅感覺好似係我做錯野咁，我同佢講:“既然我地表達嘅你唔明，你亦堅持唔肯試下食，不如你幫我地取消呢隻豬手，真係硬到完全食唔倒。”佢話:“整左嘅出
冇辦法食倒，唯有同著黑衫嘅侍應反映返，佢試用刀叉去切，但都切唔開，跟住佢走過去上菜窗口嘅位置（我估應該係同廚師講返），跟住冇幾耐佢行過黎話: ”個豬手係咁架喎，個豬手冇問題。” 跟住我覺得佢可能係唔清楚隻豬手到底有幾硬，基本上連刀叉都切唔開叫人點食落肚? 我話:“咁你試下咬開佢比我睇下。” 佢回應係:“我做緊野唔可以食野。” 佢再講:“個豬手係冇問題嘅，係咁樣嘅，係脆嘅。” 我心諗:“咁嘅大話都講得出？刀叉都切唔開竟然可以話係脆嘅!？係咪當我地真係識分硬同脆!？” 我唯有都同佢講返:“ 我明白你所形容嘅炸豬手食落應該出黎嘅效果，但而家枱上面呢隻豬手並唔係你所講果種效果，係想咬開黎食都食唔倒。” 個侍應好似有啲發悔氣咁話:“咁你而家想點樣？” 佢比我嘅感覺好似係我做錯野咁，我同佢講:“既然我地表達嘅你唔明，你亦堅持唔肯試下食，不如你幫我地取消呢隻豬手，真係硬到完全食唔倒。”佢話:“整左嘅出黎嘅食物我地冇得取消。” 聽到佢咁講我自己個人真係非常無奈…… 既然冇得取消我地五個人亦無謂強人所難…… 畢竟個侍應都係打份工……
我唯有搵另一個著黑衫嘅侍應講：“我地唔介意你地取消唔倒，只能夠怪嘅係你地公司制度唔太彈性，請你地廚師面對返自己整出黎嘅食物。真係完全硬到食唔倒。”而今次呢個侍應都答返啲正常啲嘅答覆：“唔好意思，好的，我會轉達你嘅意思比返廚師聽。”
埋單果陣竟然係由好堅持話隻炸豬手冇問題嘅侍應黎收錢，佢竟然自動同我講返：“唔好意思，隻豬手個廚師話可能真係煮得真耐左啲。” 聽到我更加無奈，為何之前你一直堅持講隻豬手冇問題，但而家又承認話煮得耐左？不過我亦唔想再同個侍應再講落去，埋單比錢就走了。
總括返全晚叫左以下食物：
1）厚豬扒蓮藕餅飯
2）厚豬扒辛辣麵
3）九州拉麵
4）乳鴿
5）炸豬手
6）蒸排骨
7）蒸肉餅
其實講真除左隻炸豬手係出左意外，其餘嘅食物都係非常好味，值得推介：）價錢方面喺尖沙咀吃晚飯來說都算非常抵食。一行五人，埋單都係4百幾蚊（包括果隻唔食得嘅炸豬手），圍起上黎每人都90蚊唔洗。
張貼