Poking

平時比較少去中上環，難得今日嚟呢頭搞啲手續，搞得夜咗就索性食埋晚飯先返屋企，揀咗呢間Poking。入面嘅座位唔太多，日間主要係做外賣，不過夜晚呢度就比較靜，所以坐低食個Poke都好舒服。我哋都選擇咗堂食，一人一個唔同款嘅Poke，而共通點都係有我哋最鍾意嘅三文魚。Sweet Up Your Life材料有三文魚、芒果、牛油果、蘿蔔仔、青瓜等，配上柚子汁感覺特別清新。三文魚切成粒狀，上面灑上花生碎，用嚟配飯就最啱。另外仲有新鮮芒果肉，而佢用嘅芒果非常香甜，喺冬天都食到咁甜嘅芒果實在難得。牛油果同青瓜都相當新鮮。另外仲揀咗Creamy Baby，材料繼續有三文魚、仲有雞蛋絲、飛魚子、牛油果、青瓜、豆腐等，配埋芥末沙律醬就更加醒胃。同樣有新鮮嘅三文魚粒。凍豆腐配上青瓜同沙律菜，真係有營之選。而呢度嘅Poke係可以選擇壽司飯、糙米飯、沙律底，亦都可以雙拼組合，我哋就揀咗我唔同配搭。糙米飯比較有口感，相對地就會比較乾身。而壽司飯就採用珍珠米，比較煙靭有飯香。