橋底辣蟹

營業中

休息中

估唔到橋底辣蟹除左招牌菜既辣蟹，其他小炒都咁出色，全部都好夠鑊氣。叫左個椒鹽9肚魚，上菜既時候仲係好熱! 食個陣要小心~ 炸粉唔會太厚，入面既魚仲好滑，而且都食唔到有骨，唔驚要吐骨咁麻煩! 魚香茹子煲配飯一流! 茹子本身都好香，個汁好濃，加埋D肉碎，係咁撈飯食! 另外，仲叫左個蠔餅，呢個好足料，蠔都好大粒，差唔多每啖都食到D蠔! 蛋都煎得好香! 呢個餸都幾飽。腐乳通菜炒到岩岩好，D通菜仲係爽口! 食到最後，仲會有紅豆沙送架! 不過真係太飽啦，冇食到，下次黎食要留肚食埋先走!