飯飯店 (已結業)

今日喺佐敦搵雞煲食，跟住俾熱情嘅店員拉左入去試呢一間飯飯店，呢度個雞煲唔係吃完雞可以打邊爐果隻，只係一盤雞煲加生菜。所以我哋亦都叫咗其他小菜飽下肚。綜合來講呢度嘅小菜，炒得唔錯。夠晒惹味。呢個牛柳粒双拼雞軟骨108元，風味一流。牛柳軟，唔服，辣辣地，送凍啤酒好正。雞煲我冇乜點食，因為怕辣。成隻198元，唔貴。腐乳炒通菜，78元，有點偏鹹。芝士焗西蘭花88元，好食穩陣之作。店員推介呢個焗豬手 158元都唔錯，皮焗得脆脆地，骨膠原豐富。肉就唔係好多，所以五人share嘅話，每人都係識得兩三塊。呢度啲啤酒＄20一支亦都非常之抵飲！總括來講，呢度食下家常便菜都唔錯，又抵食。