樂天皇朝 (將軍澳中心)

營業中

休息中

星期五13:30 食午市，大半舖都係吉嘅。叫咗小籠包、口水雞、酸辣湯拉麵、蟹粉小食等六項。點菜時講明湯麵要剪麵一下。最快到係口水雞，一個碗仔份量，賣相唔錯。然後係酸辣湯拉麵到。咁傳菜人員上菜時，我問了一句：「剪咗麵呵？」對方回：「咁你都睇唔到？！」嘩！原來唔問得嘅！其實，答一句「剪咗喇」或者「係呀」唔係更簡單咩？仲咩要語帶挑釁咁回應？好，有麵食就開始食雞。撩開見到少少粉紅色，我明蒸雞有時近骨的肉會啲啲粉紅。但睇清楚…原來血水都响碟底，唔係紅油。🫣😱又係頭先嗰位服務員，我話：「好唔熟喎⋯⋯睇下」佢話：「係咁㗎」有另一位員工問咩事，我話：「好唔熟，有血水喎」咁呢個服務員話：「不如同你取消啦，因為再整一份都可能係咁上下」好啦，取消啦，可惜啲，仲一心想食口水雞。再點咕嚕肉，但等了十五分鐘先知漏單，咁算數喇，埋單走人！發現漏單嘅服務員不停道歉，其實唔係佢嘅錯，佢冇接我order, 會一都好有禮貌咁道歉。埋單又多謝多謝。如果另一位服務員可以有呢位一半咁好態度，我回頭再食嘅機會都高啲。蟹粉小食過得去，都係平常菜式小籠包同四季豆水準高啲。