樂天皇朝 (將軍澳中心)

營業中

休息中

將軍澳中心個場成日都唔多人，啱晒我呢啲唔想同人迫的人🤭今日想食小籠包，去左將軍澳中心間樂天皇朝食，先講服務，侍應生哥哥服務態度好好，不停幫我地換乾淨碗碟。我哋點左一籠原味小籠包、生煎包、醉雞、蒜炸排骨、一碗擔擔麵及一個上海炒飯🤭🤭小籠包個皮夠薄又少少煙韌感覺，唔係一夾就爛嗰啲，非常好丫！生煎包個包好香好軟熟，無油膩感，又係好鐘意！仲有個醉雞，雖然係冷盤，加上酒味濃，但完全無蓋過雞味，因為雞味好濃，一咬落去勁香雞味👍🏻仲有碗擔擔麵，夠辣又重花生味，但唔係漿口嗰只，好怕啲擔擔麵個花生湯底濃到好似食花生醬咁，漿住喉嚨！基本上樣樣我都好喜愛，一定會返轉頭，下次要食糖水🤣🤣