樂天皇朝 (利舞臺廣場) (已搬遷) 新店位置

今日都仲係新年，咁就嚟咗呢間樂天皇朝， 新年始終都係食中菜好啲 ，因為其實呢間嘢都開咗一段時間，但係自己又未試過，咁啱自己都鍾意食小籠包，咁就入去試下，入到去個裝修我覺得都幾有氣派， 尤其是出面隻舞獅，非常有氣派同埋啲裝修都唔錯，而且入到去都多人，感覺良好。 而我就叫咗以下:原味小籠包 :呢個小籠包入面D豬肉同埋湯都整得唔錯， 豬肉都幾新鮮、而且湯亦都幾熱， 佢個皮都算薄， 而且入面啲湯仲保留個熱度。 非常唔錯! 酸辣湯拉麵: 咁呢個酸辣湯拉麵，我覺得佢個麵幾幼細及幾有咬口，最重要嘅就係呢個酸辣湯嘅湯底，我覺得辣辣地而且都算係幾多料， 麵及湯底加埋一齊，我覺得真係幾好食。香辣蒜泥白肉: 咁呢個蒜泥白肉我自己覺得係幾重口味，但係我自己係一個鍾意食重口味嘅人，所以對我嚟講絕對係我嘅大愛，因為佢嘅蒜汁撈落嗰啲肉度真係好食， 好有層次感同層次， 另外肉亦都幾有鮮味，所以呢個我覺得係所有菜式之中一定要嗌，僅次於個小籠包。龍華素鴨： 其實呢一個係一個餐前小食， 自己幾鍾意食腐皮 ，腐皮吸收咗D醬汁， 咬落口有幾種唔同嘅層次。 口感幾好， 鍾意食腐皮嘅朋友可以一試。鍾意食中式菜色嘅朋友可以試下， 因