影片
更多
2023-06-24
363 瀏覽
#搞串個pantry#小籠包 ，一樣間唔中會好想食嘅嘢😋。佢好神奇，皮薄薄，但餡多又有湯汁🤤。今次就嚟到一間主編經常食嘅小籠包連鎖餐廳啦，睇下佢哋啲嘢食同10幾年前又有乜嘢分別🥳。呢間小籠包連鎖餐廳喺好多地方都有分店，而且品質控制方面做得幾好，幾乎每一間分店嘅質素都差唔多🥰。今次就嗌咗小籠包($68)、蒜香粉皮肉($66)、乾拌菜肉餛飩($66)🥟、蝦仁蛋炒飯($96)🍛、台式紅燒牛肉湯麵($94)🍜。小籠包🌟🌟🌟一如既往，皮非常薄，包得好靚唔容易穿。餡嘅味道都幾新鮮，豬肉嘅鮮甜味🐷，湯汁嘅味道，加少少醋🍇，已經好好食！但係，感覺上，小籠包嘅size比之前細咗少少，不過餡同皮嘅比例仍然好完美🥰！蒜香粉皮肉🌟🌟即係蒜泥白肉加粉皮，呢道菜完全靠個醬汁撐場😋。個醬汁咸、甜、辣🌶️嘅比例啱啱好，食落口好有層次。不過豬肉同粉皮嘅口感就一般。乾拌菜肉餛飩🌟🌟呢個乾拌餛飩嘅醬汁一樣偏甜，食落都有少少咸😊。而菜肉餛飩拌咗呢個醬汁，加埋佢菜肉嘅餡，食落口既濃郁，又清爽，都幾特別😗。唯一唔好嘅地方係，餛飩嘅皮偏硬身，麵粉嘅感覺好重。蝦仁蛋炒飯🌟🌟🌟🌟呢個蝦仁蛋炒飯🍛，主編一直都覺得佢好食過招牌小籠包。呢個炒
#小籠包 ，一樣間唔中會好想食嘅嘢😋。佢好神奇，皮薄薄，但餡多又有湯汁🤤。今次就嚟到一間主編經常食嘅小籠包連鎖餐廳啦，睇下佢哋啲嘢食同10幾年前又有乜嘢分別🥳。
呢間小籠包連鎖餐廳喺好多地方都有分店，而且品質控制方面做得幾好，幾乎每一間分店嘅質素都差唔多🥰。今次就嗌咗小籠包($68)、蒜香粉皮肉($66)、乾拌菜肉餛飩($66)🥟、蝦仁蛋炒飯($96)🍛、台式紅燒牛肉湯麵($94)🍜。
小籠包🌟🌟🌟
一如既往，皮非常薄，包得好靚唔容易穿。餡嘅味道都幾新鮮，豬肉嘅鮮甜味🐷，湯汁嘅味道，加少少醋🍇，已經好好食！但係，感覺上，小籠包嘅size比之前細咗少少，不過餡同皮嘅比例仍然好完美🥰！
蒜香粉皮肉🌟🌟
即係蒜泥白肉加粉皮，呢道菜完全靠個醬汁撐場😋。個醬汁咸、甜、辣🌶️嘅比例啱啱好，食落口好有層次。不過豬肉同粉皮嘅口感就一般。
乾拌菜肉餛飩🌟🌟
呢個乾拌餛飩嘅醬汁一樣偏甜，食落都有少少咸😊。而菜肉餛飩拌咗呢個醬汁，加埋佢菜肉嘅餡，食落口既濃郁，又清爽，都幾特別😗。唯一唔好嘅地方係，餛飩嘅皮偏硬身，麵粉嘅感覺好重。
蝦仁蛋炒飯🌟🌟🌟🌟
呢個蝦仁蛋炒飯🍛，主編一直都覺得佢好食過招牌小籠包。呢個炒飯非常樸素，有飯、雞蛋🥚、蔥花、蝦仁🦐，冇半點花巧嘅調味。識落口非常家常，喺外面餐廳食嘢，其實好難得可以食到咁嘅炒飯。每一種食材嘅原味，都可以好輕易食得出。雞蛋、蔥花嘅味道，完全炒入去每一粒米入面。但有一樣同咗，就係蝦仁縮咗水，對比以前，細隻咗🙃。
台式紅燒牛肉湯麵🌟🌟🌟🌟
夠膽講，呢碗紅燒牛肉麵🍜比起香港一啲專做台灣麵店嘅好食。湯底望落好似好濃郁，但飲落口好清爽，淡淡地嘅辣味，牛肉味唔算太重，而麵就用上幼麵，食落好彈牙，冇麵粉嘅感覺！牛方面🐮，有牛腩、牛筋、牛𦟌嘅部份，滿足唔同嘅口感，食落亦都有好重牛味🥳。
好多人都應該食過呢間餐廳💕，但大家都可以去試吓，除咗小籠包以外嘅冷門菜式🤩！！
5 瀏覽
0 讚好
0 留言
7 瀏覽
0 讚好
0 留言
7 瀏覽
0 讚好
0 留言
6 瀏覽
1 讚好
0 留言
6 瀏覽
0 讚好
0 留言
張貼
