順德小廚

營業中

休息中

外賣平台叫外賣，見呢間餐廳有7折，兩個小菜加一炒飯，埋單岩岩$200，味道唔錯，份量足，大大碟，性價比高👍 椒鹽九肚魚 $67.2送到黎仲係脆口，一碟十幾條，有炸蒜係面，炸粉絲墊底，另附上喼汁 順得小炒皇 $71.4用料足，少少辣，非常惹味😋除左必定有既韮菜花外，仲有菜圃、腰果，同埋炸過既蝦乾、白飯魚、煙肉，最特別係有埋雞軟骨，口感豐富👍 福建炒飯 $57.4超大碗，炒飯底足足有4大碗，用料同芡汁都有一碗，炒飯有獲氣，蛋香味重，材料有菜頭、紅蘿蔔、雞柳、蝦仁、珍珠帶子、冬菇、瑤柱絲，非常足料 7折真係相當抵食，$200份量已經足夠三人食用😊小菜加餸之選，唔使自己煮得咁辛苦