秦

營業中

休息中

小菜精美！墟內我推介既小菜館！睇左幾編食評，我就諗，隻炸子雞係咪咁好食呀！真係估唔到，內嫩皮薄，夠味；平時食到好多都係肉比較實，皮同肉中間會好多肥膏，呢度既炸子雞完全冇咁既問題，真係好得！蠔仔肉碎浸豆苗蠔仔洗得乾淨，豆苗份量多，個肉碎湯汁煮到幾濃，好味！油鹽水蜆夠味，份量多，水準以內。流沙明蝦球蝦球走油冇過火，d咸蛋王完全包住蝦球，蝦球爽口，唔錯。煎封馬友炸得夠朝脆，略嚴細條，整得好好！椒鹽鮮魷，蒜蓉粉絲蒸蟶子，都做得唔錯！冰鎮芥蘭，都算爽口，不過就咁落d現成日式芝麻醬係面就好普通。總括黎講食物有質素，不過全部海鮮都要預訂，如果唔係好多都冇，地方企理舒服，不過係細枱多，樓上有大枱/房，有最低消費$3000；食得出師傅有心機處理食材，絕對值得一試，酒水就細啤$200/半打，自備酒水就合理開瓶費，論價錢及出品我覺得好過去酒樓食。尤其大時大節，連鎖酒樓要食餐都係鬥快飛出嚟！唔飲酒有沙冰咖啡奶茶。嚟食一定要訂位，最主要係留海鮮，打去會whatsapp餐牌比你。