大灰熊廚房 (裝修中)

今晚唔想煮飯，於是同媽咪喺附近搵間餐廳食，見到呢間餐廳食評都唔錯，所以就帶咗媽咪去啦。餐廳以小菜為主，而且仲有經濟實惠嘅套餐，套餐有湯、小菜、白飯，絕對夠飽肚。琥珀合桃琥珀合桃晶瑩剔透，原粒的合桃加上蜜糖烤焗而成，外層加上芝麻，香脆惹味，作為前菜非常開胃。蕃茄瘦肉湯瘦肉湯味道清甜，帶點蕃茄甜甜酸酸嘅味道。金銀蛋浸時蔬白菜新鮮，配上鹹香的鹹蛋和口感Q軟的皮蛋, 變成一碟美味又清爽的佳餚。黑醋黑豚肉一上碟就聞到濃郁的黑醋香氣，其外表金黃酥脆，非常可口，味道甜甜酸酸，夠哂開胃，餸白飯一流呀！上菜非常有效率，而且每一道餸菜都沒有油膩的感覺，味道極佳，相信大廚絕對係煮小菜既高手！