常滿百家菜

營業中

休息中

夜晚喺荃灣想食點心，諗起之前食過嘅火鍋點心放題，原來宜家仲多咗個小菜點心任食，兩款都係$198/位，非常抵食，仲會附送每人一隻蠔皇鮑魚同雙皮奶，鮑魚軟腍彈牙，雙皮奶奶香滑溜。 🫔🥟點心比較懷舊，份量好充足，喺酒樓算係數一數二咁大件，蝦餃用咗3-4 隻蝦，皮薄餡靚。燒賣皇同蠔皇叉燒包同樣用料豪爽。 雜菌蒸滑雞同排骨大大件，亦夠滑嫩。蘿蔔絲酥餅同金勾鹹水角熱辣辣，幾香口。 🍲除咗份量十足嘅點心， 仲試咗多款小菜，潮州蠔仔粥嘅蠔仔份量慷慨，水準及得上潮州食店。 花雕醉雞嘅花雕味香濃，上海炒年糕、北京黑醋骨、粟米班塊同京式賽螃蟹喺放題水準算係不過不失，不過樟茶鴨較多骨。🍡🍨甜品有幾款，馬豆糕、桂花糕同海底椰， 亦可以任飲枝裝汽水同罐裝烏龍茶。