勝利美食 (已結業)

近排天氣太熱, 唔好話諗吓煮咩, 連胃口都無….靈機一動, 落勝利買幾串小食當晚飯算數!點咗兩個皇牌套餐, 由於太熱, 所以外賣返屋企開大個冷氣慢慢嘆!再望望, 見到有鵝肝! 都好耐無食過, 點咗一串試試.皇牌套餐有大墨魚, 火雞腎同細生腸, 我一向唔太中意食雞腎, 所以只係試咗小小, 爽口, 比一般更爽口, 係”雞”同”火雞”嘅分別?大墨魚同生腸好易煮得韌, 勝利小食處理得幾好, 兩款小食一D都唔韌, 俾大大個 like!鵝肝口感比想像中硬, 可能 …. 係希望愈大失望愈大吧 ..…最后, 店員係唔多重視秩序問題, 所以大家留意唔好以為排先就會賣俾你先.