林昌記 (已結業)

魚蛋貴為香港小食之最，聞名中外一有外國朋友黎香港，第一時間就係去食 Fishball 而識食一定要識食林昌記！林昌記宜家已經開左幾間分店，而每間分店既質素都保持得好好！今次就帶朋友黎到旺角分店位置係後街，人流唔多我個人認為食林昌記要先試佢個原味，因為原味先可以食出老闆對魚蛋既認真！原味魚蛋白魚蛋粒粒自家製造，賣相雪白無瑕，入口彈牙！又有陣陣魚味，魚蛋係口到彈下彈下，最後仲彈到成口都係魚肉既鮮甜！絕對足料有誠意！唔係食粉咁簡單，要靠咖哩、辣油等救命！不過，如果想係平靜既生活加一d 刺激感，都可以加入自製的辣油，辣油經過特製、同魚蛋係相輔相成，唔會有一邊搶風頭！真是天衣無縫埋單10蚊7粒魚蛋