鬼金棒

營業中

休息中

同朋友一齊喺尖沙咀搵嘢食，佢話想食芫荽山拉麵，所以我哋就去咗呢一間拉麵店。手機落單，所以我哋冇見過成個餐牌係點嘅。餐廳佈置有好多日本魔鬼👹，我諗佢係想話你知佢嘅拉麵有幾辣，所以我哋都唔敢點最辣，只係點咗小麻同小辣嘅芫荽山廚師推介拉麵。拉麵嚟到，真係好大座芫荽山，肉方面，係一大磚豬肉，而唔係一片片叉燒。我哋冇加購其他嘢食，所以個麵又真係寡咗啲，由於自助點餐嘅關係，冇得揀嗰個麵質，而佢嘅麵質係偏硬同埋粗嘅。我相信如果你搵店員係可以揀麵質嘅，可以揀淋啲。我哋揀咗小麻小辣，本身都係食得辣嘅人，所以我唔覺得好辣，如果下次點可以食多麻。因為如果再上一格辣，我驚超級辣。小麻小辣已經蓋過晒芫荽嘅味道，所以唔係好食到個湯底本身嘅味道同埋芫荽嘅味道。未必會再次幫襯，因為食物味道不是太突出。