The Waffle Club (已結業)

之前成日喺Facebook見到人推介the waffle club嘅心型雞蛋仔，一直都無機會食到，今次行下行下元朗就見到，食完晚飯都忍唔住去買返一底！見到佢新出品有麻糬雞蛋仔，本身勁想加！但係因為我叫咗奶黃味，咁奶黃又係流心，個staff話如果加麻糬就會冇咁好食！所以最後都係放棄左麻糬！我地等咗大概五六分鐘就攞得，心型雞蛋仔真係好靚！食落去熱辣辣好正，有少少流心，不過就唔係會爆漿嗰種咁，好似食緊奶皇包！另外，朋友叫咗伯爵味雪糕，有一支棉花糖插住雪糕度！都唔太甜，食完有茶嘅回甘！