丸·茶手作 (葵涌廣場) (已結業)

葵涌廣場一向多小食同茶飲，而且越開越多。經過丸茶手作，見到有新出飲品，又咁啱好口渴，就買杯嚟飲😗荔映茶樹 (凍) ，$28一杯，賣相已經好靚，好吸睛👀以椰果，水蜜桃果泥及荔枝酵素調配😍 水蜜桃配荔枝，兩樣都係我最愛嘅水果，味道真係好飲！飲品入面仲有一朵朵茶樹花，好有美感。飲落去味道香甜，但係唔會太甜。夏天飲真係啱曬，好解渴，好fresh!見到佢仲有其他幾款新出嘅飲品，咖啡拿鐵、黑糖珍珠咖啡拿鐵及芝士奶蓋咖啡拿鐵。幾款新嘅咖啡拿鐵系列係用瑞士咖啡及澳洲牛奶調配，下次買番杯嚟飲先！