天外天

"天外天"名字震憾，同事話呢間餐廳係佢父母恆常飯堂，所以極力推薦大家，今日趁早收工一於去嘆一嘆～訂左窗口位諗住可以望夜景晚餐，去到話安排唔到，俾左個死角我地，唔緊要，食得開心就得啦。鮑汁豬手仔，煮得好入味，肉嫩好香滑，最體貼係無骨，可以好容易就食到啖啖肉，非常唔錯嘅小食紅酒醋黑毛豬咕嚕肉，現代時髦版咕嚕肉！肉質係可以嘅，但味道就比較單一、有少少搶喉感覺。與傳統咕嚕肉比較係做到酸的較果，但就無左層次帶黎嘅"化膩"感覺，建議酸之餘可加深味覺層次。有少少眼高手抵。茶燻雞，waitress極力推薦話用新鮮雞造好好食。食得燻，當然鐘意全件都有燻味啦，但呢碟只停留在雞皮，肉就比較啖身，味道亦唔覺好鮮雞味。問waitress有無醬油或醬可配埋食，佢話得余均益  後來俾左碟辣椒圈豉油我地，算吧⋯⋯放棄，吃煙燻下次還是找對的地方吧！