星馬茶室 (旺角中心) (已結業)

同朋友係旺角行街，未落過旺中地庫，然後就發現左呢間星馬茶室，裝潢都幾特別，打卡都幾靚喎！海南雞飯拼藥材肉骨茶無骨的，雞都好嫩口，有3種調味料自己點黎食，雞都比較肥美，雞味很濃，唔錯，肉骨茶都係濃濃的藥材味，不過偏酸少少，但整體都唔錯~ 飲落口好舒服的~檳城傳統老鼠粉勁大兜，味道辣辣的，但係超級入味，麵身亦都唔會好林，岩岩好，整體感覺唔錯！鮮油咖央多士 (班蘭)食得星馬菜，當然要食班蘭味，個多士幾爽口，都唔錯，亦都唔會好甜好膩幾好~網春卷 (3件)好香口，好脆，內裡的餡料都幾入味，唔錯，鍾意食炸物的朋友仔必叫！炸蝦餅 (3件)食埋呢個就知道呢間小食的炸物都幾唔錯！唔會好油！千島醬肉鬆酥餅佢係兩塊餅，係平時食既印尼酥餅，估唔到match千島醬都幾好！黑拉黑豉油炒蘿蔔糕個味幾好，唔會話好重味精個種，勁入味~ 賣相都唔差！野飲就差少少啦！佢個凍檸檬薏米水偏淡，係足料但係似水~而凍桔仔冬瓜茶可以，下次再試佢個拉茶！