東歐餐廳

係香港一直都好少餐廳食到烏克蘭菜🤫今次黎到都幾出名嘅東歐餐廳🤩首先一入去真係好full😨好彩有提早book定☺️但略嫌個位會有少少窄🤏首先叫左個傳統烏克蘭羅宋湯：湯好足料好多菜😬但味道方面我個人黎講唔係好習慣烏克蘭風味😳個人覺得都係西式好飲d😂但女朋友就覺得好好飲😎烏克蘭香煎薯餅：呢個薯餅好好食！入面有滿滿嘅薯仔絲🤤加埋佢本身嘅調味同埋煎到咁香脆🤩真係好好食🤓招牌芝士焗牛脷：入面有好多芝士好香😍唔好睇好似好細個碗但入面有滿滿嘅牛脷粒🥰牛脷都處理得幾好唔會話太硬或太淋👍🏻會保留到果種口感比你咬😁同時都會食到淡淡嘅牛味🤩但塊皮就略嫌硬左d🤏但配埋個芝士汁同牛脷食都係唔錯嘅😋古法宮廷焙鹿肉：從來都未食過鹿肉就叫黎試下🤫鹿肉會較瘦所以肉質會冇咁淋🫢但全部野都炆得好入味🤤配菜好好食😋加左個薯容都好滑好creamy🤤至於鹿肉叫試過就算我都係鐘意食牛肉😂烏克蘭風味蛋糕：呢個蛋糕個人覺得會太甜😳同埋$98會係試過一次就算😂Overall 呢間餐廳係間幾有特色嘅東歐菜🇺🇦會係特別日子黎食下同埋其實價錢同普通西餐都差唔多👍🏻服務方面侍應都會主動倒水比你👍🏻同埋都幾有禮貌😛其他就冇咩特別😀大家可以黎一試👍🏻🤩