串燒咖啡 (已結業)

朋友義務幫我整電腦 點都要請佢食返餐飯去到屋企附近既樓上cafe地方好骨緻 有好多card games 係好岩一大班人黎hea餐牌有好多意粉沙律all day breakfast 不過我同朋友主攻串燒！（話明係串燒cafe阿嘛）有幾樣串燒做得好出色燒帶子 大大粒 好新鮮 而且個燒汁整得好好味燒原隻茄子 蒜蓉味好足 好香口 燒得岩岩好 成絲成絲咁挑出黎食 好爽燒雞軟骨都好食 脆卜卜 不過個人所偏好 如果可以選做乾燒加椒鹽 應該會更香口！燒魷魚鬚 好多條鬚 真材實料食到好爽口 絕對新鮮！ 配個汁又係好惹味野飲點左green tea latte綠茶味好香濃 奶既份量亦岩岩好好香滑！