更多
2023-01-12
21 瀏覽
✨肉骨茶配飯第一啖係好重既胡椒味,之後係藥材味,有趣既係又會嘗到肉湯既鮮甜,又會有微苦既藥材味。建議大家不妨試下食蒜頭,吸收曬肉骨茶既精華,但又保留到蒜頭味道!✨烤魔鬼魚好少餐廳有得食,叫左黎試下,魚肉係一梳梳既,肉質嫩滑,味道同質感好似食緊多寶魚咁。上面鋪上好似豆瓣醬般既醬料,不過就冇咁咸冇咁辣!✨蒜皮炒青龍菜又係少見食材,青龍菜味道好似韭菜,但就冇韭菜既草青味,而且比較爽口!清甜可口,簡單好味!✨新加坡喇沙麵一上菜就聞到好重椰香味,湯汁較濃稠,所以變得唔太辣呢餐飯每道食物都幾好味而且價錢合宜,好多食材都係比較少見,適合鐘意試新野既朋友!
張貼