影片
更多
2017-09-25
253 瀏覽
午餐時段到尖沙咀想搵平野食，走到諾士佛臺前，見到呢間食店有好多OL排隊。抬頭一睇，先知原來元朗永年開左係呢度。其實一早已經想試佢地既車仔麵，但由於元朗店唔係好近市區，實在無辦法食到，今次咁啱有機會一嚐永年辣汁！三十七蚊有三餸一麵，係尖沙咀地段黎計，實在係非常經濟實惠，怪不得咁多OL黎買外賣！車仔麵配三餸 ($37)一碗叫左墨魚丸、紅腸同雞翼配油麵，另一碗就叫左魚皮、雞翼同牛筋配油麵，另加微辣汁。如果叫清湯底的話，的確會無咩特別，所以唔食得辣都好，點都要加啲微辣汁，會過癮同香好多。而餸個方面，夠大份，丸類腸類都唔係細細粒碎濕濕，而且係彈牙唔會overcook。滷物雞翼同牛根都醃得好入味，牛根仲切左唔同既部位，有啲係痴住牛腩，有部分係淋，亦有部分係爽。另外，魚皮都好正，有成半碗咁多，脆口乾身而且唔會有太多味粉。韭菜豬紅 ($18)我覺得呢個豬紅係所有餸之中最好味！個汁係甜甜地的滷水，而且仲落左超香的麻油。豬紅吸哂啲汁，外爽內軟。班蘭咖央多士 ($13)多士用上厚身個隻，塗上甜甜奶香的班蘭咖央醬，食完碗麵當甜品食。凍柚子蜜 ($13) 和 紅豆奶茶冰 ($15)如果就咁齋飲杯柚子蜜係會覺得甜
三十七蚊有三餸一麵，係尖沙咀地段黎計，實在係非常經濟實惠，怪不得咁多OL黎買外賣！
車仔麵配三餸 ($37)
一碗叫左墨魚丸、紅腸同雞翼配油麵，另一碗就叫左魚皮、雞翼同牛筋配油麵，另加微辣汁。
如果叫清湯底的話，的確會無咩特別，所以唔食得辣都好，點都要加啲微辣汁，會過癮同香好多。而餸個方面，夠大份，丸類腸類都唔係細細粒碎濕濕，而且係彈牙唔會overcook。滷物雞翼同牛根都醃得好入味，牛根仲切左唔同既部位，有啲係痴住牛腩，有部分係淋，亦有部分係爽。另外，魚皮都好正，有成半碗咁多，脆口乾身而且唔會有太多味粉。
韭菜豬紅 ($18)
我覺得呢個豬紅係所有餸之中最好味！個汁係甜甜地的滷水，而且仲落左超香的麻油。豬紅吸哂啲汁，外爽內軟。
班蘭咖央多士 ($13)
多士用上厚身個隻，塗上甜甜奶香的班蘭咖央醬，食完碗麵當甜品食。
凍柚子蜜 ($13) 和 紅豆奶茶冰 ($15)
如果就咁齋飲杯柚子蜜係會覺得甜，但當你食完碗辣既車仔麵，想解下辣，甜度係岩岩好！加左兩片檸檬特別醒胃，而且個底有柚子皮之餘，好似食到有咸柑桔既味道，非常潤喉。
而紅豆奶茶冰既紅豆甜度亦恰到好處，煲淋既紅豆有少少起沙又夠大粒，好有口感。但略嫌茶底唔夠濃，濃返些少就完美。
總結黎講，麵底同餸既份量都對得起價錢，著名既辣汁夠麻，夠辣得過癮。
張貼
