九記打冷.小菜.粉麵 (已結業)

近期日日落雨，又想食打冷，搵到間尖沙咀位置方便的打冷店。可能位於尖沙咀，要做到咩都有先可吸引各類客人。起初以為唔係專做打冷，質素可能比較參差，但又唔係喎，叫左有鵝的小拼盤，完全超出我預計，滷味夠味又入味，鵝肉食到我想另外叫多一碟，不過得2個人就試下其他菜式啦。每次打冷必食豬紅9菜，亦不令人失望！驚喜的是椒鹽9肚魚，好耐都無食過炸到外脆內軟的，整碟差不多被我一個食哂！總結，2個人叫左3樣已經食飽飽，因每樣都好大碟，千萬不要眼寬肚窄，做大哂鬼，想食哂就去幫襯多一次試其他菜式！