影片
更多
2022-10-11
31 瀏覽
🥳放工後想同朋友Chill一Chill，揀左尖東既「Avenue75」，鐘意呢度靜靜地可以傾下計食下野，而且裝修充滿藝術感，牆上有唔同特色既油畫，打卡度高！👍🏻餐廳除左主打八款自家原創既特調雞尾酒，仲有唔少fusion菜式，味道高質有驚喜，店員友善好客，啱晒大家同朋友來放鬆吓！🥗燒牛肉青芒柚子沙律（$138）牛肉好香碳燒味，肉質啱啱好，唔會過老。配上酸辣開胃既泰式醬汁，再加上大量新鮮沙律菜、青芒絲、柚子、花生碎，好食到一個點呀！🦀️黃咖哩蟹肉蒜蓉包（$88）香濃既黃咖哩配上鮮甜既蟹肉，單係香氣同賣相已經好吸引，加上香脆蒜蓉包，邪惡又好味！🍗醉香脆皮燒雞配香矛油飯（$188）用酒醃過既三黃雞，半隻都已經份量十足，因為即叫即燒，所以雞皮特別薄脆，雞肉細嫩充滿肉汁，香口不油膩。雞髀超嫩滑，即使係雞胸肉部位都唔會乾身鞋口！超級推薦呀！🦞龍蝦汁海鮮扁意大利麵（$128）麵質彈牙有咬口，掛滿香濃既龍蝦汁，配上大量海鮮，非常豐富！如果鹹味多一點就更完美啦！🍹Fiesta($130)呢杯靈感來自墨西哥菜式的雞尾酒，用左龍舌蘭酒、肉桂、木瓜、藍莓和Horchata。帶有微微既果香，順滑入喉，味道非常獨特，
🥳
放工後想同朋友Chill一Chill，揀左尖東既「Avenue75」，鐘意呢度靜靜地可以傾下計食下野，而且裝修充滿藝術感，牆上有唔同特色既油畫，打卡度高！
👍🏻
餐廳除左主打八款自家原創既特調雞尾酒，仲有唔少fusion菜式，味道高質有驚喜，店員友善好客，啱晒大家同朋友來放鬆吓！
🥗
燒牛肉青芒柚子沙律（$138）
牛肉好香碳燒味，肉質啱啱好，唔會過老。配上酸辣開胃既泰式醬汁，再加上大量新鮮沙律菜、青芒絲、柚子、花生碎，好食到一個點呀！
🦀️
黃咖哩蟹肉蒜蓉包（$88）
香濃既黃咖哩配上鮮甜既蟹肉，單係香氣同賣相已經好吸引，加上香脆蒜蓉包，邪惡又好味！
🍗
醉香脆皮燒雞配香矛油飯（$188）
用酒醃過既三黃雞，半隻都已經份量十足，因為即叫即燒，所以雞皮特別薄脆，雞肉細嫩充滿肉汁，香口不油膩。雞髀超嫩滑，即使係雞胸肉部位都唔會乾身鞋口！超級推薦呀！
🦞
龍蝦汁海鮮扁意大利麵（$128）
麵質彈牙有咬口，掛滿香濃既龍蝦汁，配上大量海鮮，非常豐富！如果鹹味多一點就更完美啦！
🍹
Fiesta($130)
呢杯靈感來自墨西哥菜式的雞尾酒，用左龍舌蘭酒、肉桂、木瓜、藍莓和Horchata。帶有微微既果香，順滑入喉，味道非常獨特，配野食係唔錯！
🍸
Ukiyo-e($110)
結合清酒+梅酒充滿日式東洋風味，味道酸酸甜甜，淡淡柚子同茶既清香，相信大部分女仔都會鐘意呀！
張貼
