影片
更多
2022-10-26
683 瀏覽
好耐冇試過食特別嘢，最近試咗一間異國風情餐廳。位於尖沙咀寶勒巷盈豐商業大廈，呢間名叫CARAT Fine Indian and Mediterranean Cuisine 嘅餐廳，主打印度及地中海菜式。搭𨋢上4樓，一開門已經聞到陣陣幽香，配合柔和燈光，好有情調。室內裝潢華麗精緻，同重慶大廈嘅平民印度菜截然不同，座位非常寬闊，適合二人世界拍拖用餐☺️🎈地中海香草燒雞配薯條$128呢一款香草燒雞🍗非常有驚喜，配合多款香料烤焗而成嘅燒雞，香氣四溢，咬落去啖啖肉卻無油膩感。燒雞下鋪滿薯條🍟，全部係新鮮炸起金黃色，非常脆口。另外配有特色沙律，有沙律菜、車厘茄、紅石榴等食材，非常新鮮爽甜🥗另外配合三款特色醬料，分別係酸乳酪醬、茄汁、紅椒醬，一次過試齊三種唔同口味，味覺體驗好豐富😋🎈果亞椰香咖喱大蝦 $158咖哩好香好濃郁，而且椰香味十足，配上多塊香葉，味道帶酸，令人非常開胃，食到停唔到口☺️😋大蝦約有12-14隻份量，滿意！🎈牛油烤餅 $38新鮮烘焙而成的烤餅，金黃色外表鬆脆，入口非常煙靭。份量亦唔少，我哋特登嗌嚟配咖喱食，超惹味😌🎈兩杯Coke zero $38食印度嘢，少不免要飲返杯汽水，咁樣食落
好耐冇試過食特別嘢，最近試咗一間異國風情餐廳。位於尖沙咀寶勒巷盈豐商業大廈，呢間名叫CARAT Fine Indian and Mediterranean Cuisine 嘅餐廳，主打印度及地中海菜式。
搭𨋢上4樓，一開門已經聞到陣陣幽香，配合柔和燈光，好有情調。室內裝潢華麗精緻，同重慶大廈嘅平民印度菜截然不同，座位非常寬闊，適合二人世界拍拖用餐☺️
🎈地中海香草燒雞配薯條$128
呢一款香草燒雞🍗非常有驚喜，配合多款香料烤焗而成嘅燒雞，香氣四溢，咬落去啖啖肉卻無油膩感。燒雞下鋪滿薯條🍟，全部係新鮮炸起金黃色，非常脆口。另外配有特色沙律，有沙律菜、車厘茄、紅石榴等食材，非常新鮮爽甜🥗另外配合三款特色醬料，分別係酸乳酪醬、茄汁、紅椒醬，一次過試齊三種唔同口味，味覺體驗好豐富😋
🎈果亞椰香咖喱大蝦 $158
咖哩好香好濃郁，而且椰香味十足，配上多塊香葉，味道帶酸，令人非常開胃，食到停唔到口☺️😋大蝦約有12-14隻份量，滿意！
🎈牛油烤餅 $38
新鮮烘焙而成的烤餅，金黃色外表鬆脆，入口非常煙靭。份量亦唔少，我哋特登嗌嚟配咖喱食，超惹味😌
🎈兩杯Coke zero $38
食印度嘢，少不免要飲返杯汽水，咁樣食落先夠過癮。
店員Manu非常熱情好客，有好幾次過嚟問我哋覺得食物質素如何，有好有禮貌幫我哋整理枱面，用餐體驗良好☺️
兩個人買單合共$440 ，佢嘅性價比好高，因為食物質素高，份量亦都大啲，非常夠飽，加上餐廳環境優雅，仲有露天位置，逢週末同假期仲有自助餐添，值得再試！😇
張貼
