九記打冷.小菜.粉麵 (已結業)

朋友推薦給我的尖沙咀九記打冷，聽說很多名人都經常去光顧，想不到真的會遇上，大台綜藝節目的李先生，讓這一餐未食已經增添了一點歡樂。而餐廳黎講，最主要都係食，講返食物，一切潮式打冷大排擋要有既食物佢都有。鹵水拼盤，蠔餅，蠔仔粥，各式小炒都有供應。而此行就order了很少見的椒鹽粟米，初見菜單既我們都充滿好奇，究竟味道會係點。 想不到粟米沾上炸粉，再配上椒鹽去炸竟會係如此配合，香口又夠惹味，而粟米的甜味亦都保留下來，實在係一味滿分既送酒小食。再來係咸菜豬肚煲，豬肚份量多，咸亦好爽口，胡椒湯底亦都好夠味，岩晒同行友人口味。最後打冷必食既係鹵水鵝件，鵝件啖啖肉，而伴碟既鹵豆腐亦不馬虎，豆腐有豆香鹵水汁亦好入味。