影片
更多
2023-10-23
27 瀏覽
同朋友出尖沙咀食北京填鴨😆勁興奮呀～！呢間餐廳平時成日行過，見到門口個menu好似都唔錯，終於有機會食😋七點鐘見到餐廳勁多人，幾驚無位，好彩安排到坐二樓。京川滬孖寶 $408呢個孖寶餐可以食到兩個菜，好似都幾抵食。北京烤鴨（半隻）烤鴨片一擺入口就食到個種油香四溢，尤其係烤鴨皮，油而不膩，香而不羶。佢的甜醬就咁食會覺得勁甜，但一配蔥同青瓜，再加鴨肉就覺得好好食，甜醬的甜味反而吊起鴨的鮮味，蔥同青瓜又中和返個種油膩👍🏻山莊酸菜魚（小辣）個碗勁大隻，勁多魚肉勁多料，睇到都開心😋酸菜魚的表面有勁多辣椒，仲驚會勁辣，明明叫咗小辣，但食落又真係小辣，仲非常惹味。魚肉又鮮又滑溜，份量又夠多，腐皮吸收咗湯的精華，非常入味，水晶粉好煙韌，連酸菜都好好食。香蒜小棠菜 $89呢個菜炒得好爽脆，配埋炸蒜蓉，完全balance 哂呢餐飯的油膩。霸王小籠包（4隻） $55上枱時熱辣辣，食落小籠包飽滿又多汁，蘸醋食好正😍雪城高力豆沙（3件） $58食咗咁多餸，特登點個甜品試一試。食落暖暖哋，好鬆化，紅豆餡都好香甜🥰霸王山莊 (尖沙咀)尖沙咀漆咸道南67-71號安年大廈地舖*上述文章只供參考及以當時價格為準
同朋友出尖沙咀食北京填鴨😆勁興奮呀～！呢間餐廳平時成日行過，見到門口個menu好似都唔錯，終於有機會食😋七點鐘見到餐廳勁多人，幾驚無位，好彩安排到坐二樓。
京川滬孖寶 $408
呢個孖寶餐可以食到兩個菜，好似都幾抵食。
北京烤鴨（半隻）
烤鴨片一擺入口就食到個種油香四溢，尤其係烤鴨皮，油而不膩，香而不羶。佢的甜醬就咁食會覺得勁甜，但一配蔥同青瓜，再加鴨肉就覺得好好食，甜醬的甜味反而吊起鴨的鮮味，蔥同青瓜又中和返個種油膩👍🏻
山莊酸菜魚（小辣）
個碗勁大隻，勁多魚肉勁多料，睇到都開心😋酸菜魚的表面有勁多辣椒，仲驚會勁辣，明明叫咗小辣，但食落又真係小辣，仲非常惹味。魚肉又鮮又滑溜，份量又夠多，腐皮吸收咗湯的精華，非常入味，水晶粉好煙韌，連酸菜都好好食。
香蒜小棠菜 $89
呢個菜炒得好爽脆，配埋炸蒜蓉，完全balance 哂呢餐飯的油膩。
霸王小籠包（4隻） $55
上枱時熱辣辣，食落小籠包飽滿又多汁，蘸醋食好正😍
雪城高力豆沙（3件） $58
食咗咁多餸，特登點個甜品試一試。食落暖暖哋，好鬆化，紅豆餡都好香甜🥰
霸王山莊 (尖沙咀)
尖沙咀漆咸道南67-71號安年大廈地舖
*上述文章只供參考及以當時價格為準
張貼
