十三姨 (雲龍商業大廈)

營業中

休息中

平時喺佐敦就已經成日食十三姨，聽講尖沙咀分店就嚟開張 咁我當然要去支持下啦因為今日男朋友比較忙，所以佢就唔陪我！但係都唔會影響我嘅戰鬥力！我點咗好多串燒！雞軟骨 豬腩肉 翠玉瓜同埋雞髀肉❤️❤️❤️ 佢哋嘅豬腩肉燒得吱吱冒油 咬落去嘅時候啲豬肉香同埋啲油脂分泌晒出嚟 好好食 😋 佢哋嘅小食亦都同樣出色～ 🥰 尤其是係佢哋嘅招牌西多雞翼 超級好食 係我最鍾意食嘅單骨雞翼 炸得刚刚好好酥脆 😍😍😍 但最令我驚喜嘅係佢哋竟然有一啲懷舊飲品 就係黑牛！ 即係以前小朋友好鍾意食嘅 可樂上面有個軟雪糕 ！！！🤤🤤 真係好懷念覺得好好飲 好正食左咁多小食，當然要開始食正餐！我就點咗一碗佢哋嘅牛肉湯麵🍜 首先值得一讚嘅係佢哋嘅牛肉份量已經超級多 完全係out of my expectations 呀！ 第二樣嘢要讚嘅佢哋嘅牛肉質素都好好 我覺得個湯底好有牛肉味 好甜好好飲！ ❤️❤️ 佢哋嘅面都好有勁道 好好食 🤤 有啲煙韌嘅感覺 ！ 好正 好似人哋嗰啲手工面咁正 見到佢哋原來仲有好多唔同面底/ 湯底揀 等我下次再試吓其他！但最後都食唔晒， 係被狠狠打臉了！我真係高估咗自己嘅食量 最後將半碗打包左返屋企😀