影片
更多
2024-05-29
22 瀏覽
最近去咗尖沙咀一間環境唔錯嘅火鍋店度食，呢度除咗有海鮮、肉類、手打丸、刺身、小食等等嘅火鍋配料，仲新推出咗一系列嘅串燒添！🔥火焰三椰雞煲 $328店員首先會幫我哋炒香雞件、紅蘿蔔同椰子肉，然後加入料理酒同用火槍點火，火焰效果即時呈現喺我哋面前！跟住加入兩個椰青落湯底度，等待滾起後，店員幫我地隔走雞油，非常細心。湯底充滿清甜椰香味，火焰後嘅雞肉味道濃郁，仲有啲酒香味，入口嫩滑香口！🐷西班牙黑毛豬 $188肉片油脂分布均勻，口感細嫩柔軟。🦐手打鹹蛋黃蝦丸 $52/半份蝦丸彈牙鮮味，細細粒蝦丸入面包住滿滿嘅鹹蛋黃，有少少流沙效果，鹹香味十足。🥟自家製黑松露蟹肉餃 $68/半份煮熟後餃皮變得晶瑩剔透，餃皮薄身有少少煙韌感，黑松露蟹肉餡料包得好飽滿，見到一絲絲嘅蟹肉係裏面。黑松露味道好濃郁，有啲似平時食黑松露意粉嘅味道😆！🦪燒廣島蠔 $48一碟有三隻廣島蠔，蠔肉脹卜卜，咬落去爆汁！🍹竹蔗茅根 $68/一榨味道清甜滋潤，打邊爐飲止渴又可以清熱氣。🥣醬料 $56/兩位📍 云手工火鍋店 (尖沙咀)尖沙咀加連威老道20號瑞生尖沙咀酒店3樓
🔥火焰三椰雞煲 $328
店員首先會幫我哋炒香雞件、紅蘿蔔同椰子肉，然後加入料理酒同用火槍點火，火焰效果即時呈現喺我哋面前！跟住加入兩個椰青落湯底度，等待滾起後，店員幫我地隔走雞油，非常細心。湯底充滿清甜椰香味，火焰後嘅雞肉味道濃郁，仲有啲酒香味，入口嫩滑香口！
🐷西班牙黑毛豬 $188
肉片油脂分布均勻，口感細嫩柔軟。
🦐手打鹹蛋黃蝦丸 $52/半份
蝦丸彈牙鮮味，細細粒蝦丸入面包住滿滿嘅鹹蛋黃，有少少流沙效果，鹹香味十足。
🥟自家製黑松露蟹肉餃 $68/半份
煮熟後餃皮變得晶瑩剔透，餃皮薄身有少少煙韌感，黑松露蟹肉餡料包得好飽滿，見到一絲絲嘅蟹肉係裏面。黑松露味道好濃郁，有啲似平時食黑松露意粉嘅味道😆！
🦪燒廣島蠔 $48
一碟有三隻廣島蠔，蠔肉脹卜卜，咬落去爆汁！
🍹竹蔗茅根 $68/一榨
味道清甜滋潤，打邊爐飲止渴又可以清熱氣。
🥣醬料 $56/兩位
📍 云手工火鍋店 (尖沙咀)
尖沙咀加連威老道20號瑞生尖沙咀酒店3樓
張貼
