五勺

營業中

休息中

最近去咗尖沙咀一間好有feel嘅日本餐廳，入到去見到佢哋嘅裝修真係好有日式居酒屋嘅氛圍，啲木頭桌椅同暖色燈光，感覺好放鬆😊我哋首先叫咗啲刺身，北海道海膽同海膽帆立貝沙律。食落去真係勁新鮮😍海膽嘅味道超濃郁而一d 都唔腥，包住紫菜黎食真係好正，要讚既係d 紫菜仲係好脆👍🏻而帆立貝沙律嘅口感軟滑厚身，開胃好味又抵食！跟住我哋點咗串燒，免治雞肉棒、牛小排串燒同埋黑豚蘆筍串。每一串都燒得香噴噴，味道十足，免治雞肉棒係必點！配上日本蛋汁絕對係完美嘅配合呀😍芝士鰻魚玉子燒，呢個真係令我印象深刻，玉子燒好滑，配埋濃濃嘅芝士，口感好特別。照燒原條魷魚烤得啱啱好唔會太硬身，照燒醬汁味亦都係有提鮮嘅作用😎牛油雜菌焗銀鱈魚，魚肉焗得好嫩滑，牛油味香噴噴，搭配雜菌，真係好好味😋吉列蠔小茄子滑蛋煮就更加特別，炸蠔外脆內嫩，茄子同滑蛋又加添咗清新感😌味噌飯團同醬油飯團都做到有飯焦香，鍾意飯焦的話唔好錯過！我最鍾意炸芝士年糕，外脆內軟，濃濃嘅芝士味真係回味無窮😋飲品方面，我哋選咗柚子汽水同埋烏龍茶，尤其係柚子汽水都幾清新！😛