影片
更多
2021-12-11
80 瀏覽
早前lunch time試過呢一間餐廳食生蠔，發覺性價比好高，咁啱今晚諗起又想食海鮮，所以試吓takeaway海鮮拼盤。落咗order之後，黃昏時分去拎，舖頭雖然落緊場，但係都見到好多一份一份嘅海鮮拼盤。包裝——完全冇預計會包得咁靚，通常海鮮處理都已經好難搞，以為餐廳用個盒就咁兜住加啲冰，點知個包裝超額完成。餐廳用個盤去載着大量嘅雪確保食物新鮮，盤下面有盞燈，成盤海鮮又包裝得好靚，好用心。 海鮮拼盤一共有九款海鮮，包括五種生𧐢、法國藍蝦、車厘蜆、北海道帶子、龍蝦仔，每款兩件。五款生蠔——喺屋企食生蠔最擔心就係洗得唔乾淨唔新鮮，因為喺屋企試過自己開生蠔，都幾大挑戰。今次每款生蠔都洗得好乾淨，口感由清淡到濃厚都有，拎外賣嘅時候員工教過我哋點樣食，超級正。北海道帶子——估唔到法國嘅生蠔配帶子又幾正喎，因為通常分開買都好麻煩，除咗北海道帶子之外，仲有紐西蘭嘅龍蝦仔同埋車厘蜆，將世界上最正嘅海鮮都可以喺一間舖頭入面搵得到，唔怪得知咁多人訂。值得一提就係車厘蜆，你之前未食過呢個品種，但係發覺好鮮甜，如果可以再追加幾隻就好。聖誕節就嚟到，啱晒要開party但係又唔想去咁多間舖頭訂貨嘅人。
落咗order之後，黃昏時分去拎，舖頭雖然落緊場，但係都見到好多一份一份嘅海鮮拼盤。
包裝——完全冇預計會包得咁靚，通常海鮮處理都已經好難搞，以為餐廳用個盒就咁兜住加啲冰，點知個包裝超額完成。餐廳用個盤去載着大量嘅雪確保食物新鮮，盤下面有盞燈，成盤海鮮又包裝得好靚，好用心。
海鮮拼盤一共有九款海鮮，包括五種生𧐢、法國藍蝦、車厘蜆、北海道帶子、龍蝦仔，每款兩件。
五款生蠔——喺屋企食生蠔最擔心就係洗得唔乾淨唔新鮮，因為喺屋企試過自己開生蠔，都幾大挑戰。今次每款生蠔都洗得好乾淨，口感由清淡到濃厚都有，拎外賣嘅時候員工教過我哋點樣食，超級正。
北海道帶子——估唔到法國嘅生蠔配帶子又幾正喎，因為通常分開買都好麻煩，除咗北海道帶子之外，仲有紐西蘭嘅龍蝦仔同埋車厘蜆，將世界上最正嘅海鮮都可以喺一間舖頭入面搵得到，唔怪得知咁多人訂。值得一提就係車厘蜆，你之前未食過呢個品種，但係發覺好鮮甜，如果可以再追加幾隻就好。
聖誕節就嚟到，啱晒要開party但係又唔想去咁多間舖頭訂貨嘅人。
張貼
