Cambo ขุนทอง (The ONE)

營業中

休息中

最近同朋友去尖沙咀The One, Cambo食泰國菜。呢間我記得十年前去過，好耐冇去，今次去返，食物質素都仲係保持得好好。⭐️泰式拚盆 （細）有蝦餅、魚餅、蝦春卷，炸墨魚餅。拼盤份量多，細的份量每樣有三件。蝦春卷同蝦餅都好好味。香口彈牙。⭐️ 泰式青咖喱軟殼螌鍋（配法包）青咖喱唔辣，最啱唔係好食辣嘅我。軟殼蟹浸入去青咖喱汁，啲汁索入軟殼蟹，好好味。法包點青咖喱汁食，一流！⭐️ 椰青焗飯賣相好靚好特別。佢用咗原個椰青裝入焗飯。面頭鋪滿了椰漿，好似雪山一樣，好靚！海鮮份量多，成個焗飯都好豐富。⭐️泰式生蝦生蝦大隻爽口。好新鮮。食物整體好味，價錢合理，餐廳地點方便，喺尖沙咀嘅中心地帶。員工服務態度好，有禮貌。下次會再去幫襯。