影片
更多
2024-05-09
102 瀏覽
Luna Bar & Restaurant (5/5/2024）今日同朋友去尖沙咀行街睇戲，到食晚飯嘅時候，諗住搵附近餐廳有咩食，我朋友就突然諗起，佢話有朋友講個附近有間好食嘅泰國餐廳，而且間餐廳好寬敞令人坐得好舒服，仲有歌聽又有遊戲機俾你玩，咁就同朋友決定去食啦。這間餐廳叫Luna Bar & Restaurant，位於尖沙咀漆咸道南23-25號地舖，港鐵尖沙咀站P3出口，步行1分鐘就到啦，十分方便。這間餐廳係位於尖沙咀繁華街道，但發覺入到去走廊後間餐廳成為鬧市中的一片寧靜綠洲，因為餐廳以白色和綠色為主調，綠色植物環繞四周，有一個好靚嘅千秋，用嚟打卡一流，亦令到餐廳嘅環境好靚，另外一邊係做西式酒吧，歡迎客人食完嘢去飲返杯酒，仲提供咗飛鏢機一路食餐一路飲酒一路玩，裏面仲有K房，有埋卡拉OK可以一齊唱歌，真係可以同多啲朋友來聚會，開心玩足一晚。這間餐廳嘅食物餐牌都好多選擇，有沙律、小食、燒烤、泰式湯、咖喱、海鮮、肉類、粉麵飯類、菜類、飲品，真係唔知道這間餐廳有咁多款菜式，以為係普通泰式餐廳，尤其是有燒烤食，有燒烤串燒牛、豬、雞肉，仲有炭燒安格斯牛扒，同泰式香茅鹽燒鰂魚，睇落都好正好食，最
今日同朋友去尖沙咀行街睇戲，到食晚飯嘅時候，諗住搵附近餐廳有咩食，我朋友就突然諗起，佢話有朋友講個附近有間好食嘅泰國餐廳，而且間餐廳好寬敞令人坐得好舒服，仲有歌聽又有遊戲機俾你玩，咁就同朋友決定去食啦。這間餐廳叫Luna Bar & Restaurant，位於尖沙咀漆咸道南23-25號地舖，港鐵尖沙咀站P3出口，步行1分鐘就到啦，十分方便。
這間餐廳係位於尖沙咀繁華街道，但發覺入到去走廊後間餐廳成為鬧市中的一片寧靜綠洲，因為餐廳以白色和綠色為主調，綠色植物環繞四周，有一個好靚嘅千秋，用嚟打卡一流，亦令到餐廳嘅環境好靚，另外一邊係做西式酒吧，歡迎客人食完嘢去飲返杯酒，仲提供咗飛鏢機一路食餐一路飲酒一路玩，裏面仲有K房，有埋卡拉OK可以一齊唱歌，真係可以同多啲朋友來聚會，開心玩足一晚。
這間餐廳嘅食物餐牌都好多選擇，有沙律、小食、燒烤、泰式湯、咖喱、海鮮、肉類、粉麵飯類、菜類、飲品，真係唔知道這間餐廳有咁多款菜式，以為係普通泰式餐廳，尤其是有燒烤食，有燒烤串燒牛、豬、雞肉，仲有炭燒安格斯牛扒，同泰式香茅鹽燒鰂魚，睇落都好正好食，最終我哋選擇咗燒烤串燒，沙律方面就選咗泰式大蝦柚子沙律，小食就揀咗泰式炸蝦餅，而粉麵飯類就點咗泰式海鮮炒粉絲，其實我哋仲想叫咖喱同菜類，不過可能都食唔晒，咁就食住先啦。
泰式燒烤串燒包含豬肉、牛肉和雞肉各兩串，合共六串，全都份量都好大，賣相唔錯，份量亦都唔細又新鮮，燒起上到嚟熱辣辣，肉質鮮嫩多汁，經過燒烤後帶有獨特的煙燻香氣，尤其是牛肉串味道最濃郁，令人難忘，夾上沙嗲醬汁，甜甜微辣，更能提升肉的鮮味。泰式大蝦柚子沙律份量都唔少，隻隻蝦都好大隻，蝦肉鮮甜爽滑，柚子亦香甜惹味，加埋酸甜的醬汁更是開胃解膩，讓人忍不住一口接一口。泰式炸蝦餅有8塊，份量亦不少，蝦餅外酥內軟，肉質鮮嫩多汁，配合埋酸醋泰式醬汁，酸甜唔辣，層次豐富，令人食指大動。泰式海鮮炒粉絲是一道好食的泰國菜餚，粉絲炒得乾爽彈牙，搭配鮮甜嘅大蝦、爽滑嘅魷魚、大量新鮮蔬菜，令到口感豐富。每一味餸菜都配搭有沙律蔬菜，啲沙律蔬菜好新鮮，配搭上令人口感豐富，味道清新，真係令我哋食得好飽。
這間泰式餐廳真係好值得推薦俾大家，食得好滋味，亦都覺得好抵食，而且餐廳嘅店員有禮貌服務又好，來這裏食飲都不錯。
張貼
