影片
更多
2024-02-11
395 瀏覽
年三十晚同屋企人做節，初試呢間菜館，抱著試伏嘅心態，竟出乎意料地好食！叫咗新春menu四人餐$1680，有龍蝦有鮑魚有斑魚，好抵食🤪冰鎮鴛鴦南非五頭鮑魚似日式磯煮鮑魚嘅味道，煮得非常軟諗入味。鮑魚大隻彈牙，滿足！懷舊蝦多士超厚實，蝦膠成寸厚，入面仲有一整隻大蝦釀入去(應該係虎蝦?!) 啖啖蝦肉，係我食過最好食嘅蝦多士之一🥹❤️上湯焗加拿大龍蝦伊麵上湯唔鹹，但亦好夠味。重點係龍蝦！食得出好新鮮一啲都唔痴殼，肉質實淨彈牙👍🏻✨唯一美中不足係個蝦鉗無扑殼，完全拆唔到，好可惜嗚嗚～松茸淮杞燉螺頭呢個湯，不得了😭！！！燉到骨都散，食雞腳食埋啲骨🦴螺頭鮮甜夠淋，個湯超濃好好飲ಥ_ಥ其他菜式仲有：清蒸海花班、鮑汁花膠伴花菇、金瑤扒碧綠、椰汁紅豆糕(臨尾掛住食無影到相🤦🏻♀️唯有快速用文字講)花班🐟好滑好鮮嫩！花膠花菇同菜就正常發揮。椰汁紅豆糕係凍糕，幾有椰香🥥🥥——小總結：今次食飯超滿足(˶‾᷄ ⁻̫ ‾᷅˵) 最緊要大家都啱食，屋企人食得開心。不過呢…食團年飯無湯就真係差少少🥲建議一定要加返人團年飯menu!!另外，店員好有禮貌好nice，影相時老人家眨咗眼要再影，店員哥仔無怨我地之餘仲提多兩句，幫我地
叫咗新春menu四人餐$1680，有龍蝦有鮑魚有斑魚，好抵食🤪
2 瀏覽
0 讚好
0 留言
冰鎮鴛鴦南非五頭鮑魚
似日式磯煮鮑魚嘅味道，煮得非常軟諗入味。鮑魚大隻彈牙，滿足！
1 瀏覽
0 讚好
0 留言
4 瀏覽
0 讚好
0 留言
懷舊蝦多士
超厚實，蝦膠成寸厚，入面仲有一整隻大蝦釀入去(應該係虎蝦?!) 啖啖蝦肉，係我食過最好食嘅蝦多士之一🥹❤️
2 瀏覽
0 讚好
0 留言
上湯焗加拿大龍蝦伊麵
上湯唔鹹，但亦好夠味。重點係龍蝦！食得出好新鮮一啲都唔痴殼，肉質實淨彈牙👍🏻✨
唯一美中不足係個蝦鉗無扑殼，完全拆唔到，好可惜嗚嗚～
2 瀏覽
0 讚好
0 留言
松茸淮杞燉螺頭
呢個湯，不得了😭！！！燉到骨都散，食雞腳食埋啲骨🦴螺頭鮮甜夠淋，個湯超濃好好飲ಥ_ಥ
其他菜式仲有：清蒸海花班、鮑汁花膠伴花菇、金瑤扒碧綠、椰汁紅豆糕
(臨尾掛住食無影到相🤦🏻♀️唯有快速用文字講)
花班🐟好滑好鮮嫩！花膠花菇同菜就正常發揮。椰汁紅豆糕係凍糕，幾有椰香🥥🥥
——
小總結：今次食飯超滿足(˶‾᷄ ⁻̫ ‾᷅˵) 最緊要大家都啱食，屋企人食得開心。不過呢…食團年飯無湯就真係差少少🥲建議一定要加返人團年飯menu!!
另外，店員好有禮貌好nice，影相時老人家眨咗眼要再影，店員哥仔無怨我地之餘仲提多兩句，幫我地㩒多幾張相俾我地揀🤣👍🏻
（本次用餐全屬自費，以個人感受評論）
張貼
