南瀛水產

好鐘意去尖沙咀南瀛水產，佢哋環境好好，而且有得飲番2杯，有專人燒埋俾你食，一路飲住洒。邊食飯傾偈，食物好新鮮，佢地既海鮮盛合(鮑魚、蟹腳、蜆、蠔、帶子），上枱既時候，鮑魚勁生猛仲郁緊，燒既過程好用心服務，尤其係帶子同蠔，燒完之後可以飲埋D湯好鮮味。柴菜海膽天婦羅，口感外酥脆內軟滑，海瞻新鮮可口，仲有紫菜既香味，配搭得好有水準。蚧味噌甲羅燒上碟賣相己經非常友好，加上好鮮美，仲有粒粒蟹籽增加口感，我非常喜歡。花魚一夜干有檸檬同醬汁配搭，本身魚己經鮮甜，魚煮得軟滑，平時唔多食魚既我，都食左好多。最後我好推介佢杯青蘋果乳酸，佢D青蘋果勁甜，而且佢雪到入口溶化，甜味慢慢渗出，真係好正。