兩草 (棉登徑)

營業中

休息中

今日嚟到尖沙咀呢邊食午餐，我哋嚟到咗呢間平民食堂——兩草。餐廳營業時間係8:30am-9:30pm。餐廳有幾間分店，比起旺角店，尖沙咀店多咗丹南咖啡。最著名嘅食物有蛋炒豬腸粉、叉燒撈麵、咖央多士，我哋今日都試咗幾款。香煎脆邊蛋肉餅飯 $42蛋煎得非常香脆，而且蛋黃流心，可以撈飯。肉餅都煎得表面脆脆地，調味足夠。最特別嘅係嗰飯用左豉油同豬油，所以食落更香，更美味。滑蛋叉燒飯 $40滑蛋叉燒大大份，個蛋炒得好香滑，叉燒切咗細細粒，容易入口。個飯都一樣配搭咗豉油同豬油。豬油渣 $18其他地方比較少有嘅豬油渣依度都有。豬油渣非常香脆，充滿油香，好香口，越食越上癮！蛋炒豬腸粉 $27豬腸粉必叫，食落好惹味，因為啲蛋煎得好香。差唔多每條腸粉都沾滿蛋同豉油，煎得好香。咖央多士 $25多士非常薄，所以特別香脆！食到滿滿嘅咖央同牛油味，係一款好好味嘅小食。羅漢果水 $22羅漢果水零添加，飲落好潤喉，好清甜。樽仔奶茶 $25呢款奶茶非常香醇，茶底味比較濃，非常香。