影片
更多
2023-04-30
238 瀏覽
今日收工同朋友去咗尖沙咀happy hour！意外地發現咗一間可以拍得住Asia top 50 bar既洒吧（真係冇誇張）！！餐廳位置好容易搵，喺尖東站P出口，行返去諾士佛台方向大概3分鐘之後其實好容易搵到 我哋大概7:45去到，餐廳都算多人，咁啱可以坐到尾二個枱！餐廳嘅裝修係木系裝修為主，坐落其實都幾舒服，亦都唔會覺得好迫依一間酒吧嚟講算非常好坐，餐廳嘅環境亦都唔會非常嘈吵，非常適合朋友或者情侶聚會 我同朋友都覺得非常滿意首先想講下食物，我哋一開始叫咗一個避風塘薯條，薯條炸得非常香脆，有一個入口卜卜脆嘅感覺，再配以避風塘椒鹽嘅味道，更加好味，亦唔會有一個太辣嘅感覺薯條份量亦都好多，唔會覺得唔抵食 跟住我哋叫咗一個咋單骨雞翼拼炸芝士，雞翼每人有四隻，每一隻都做得非常好食，再加埋七味粉，口感配搭上十足，雞翼唔會做得太辣，調味恰到好處 炸芝士就每人兩件，味道就中規中矩，咬落去芝士馬上爆出嚟，都幾好食 慢煮豬頸肉就係店員推介嘅，係餐牌上面沒有，係新嘅菜式，豬頸肉唔會做得好油膩，擺盤上，亦都做得非常靚仔，忍唔住即刻攞部電話出嚟影咗幾張相 豬頸肉嘅味道肉質肥瘦混雜，粗而帶韌，我會形容係送酒一流！
首先想講下食物，我哋一開始叫咗一個避風塘薯條，薯條炸得非常香脆，有一個入口卜卜脆嘅感覺，再配以避風塘椒鹽嘅味道，更加好味，亦唔會有一個太辣嘅感覺薯條份量亦都好多，唔會覺得唔抵食 跟住我哋叫咗一個咋單骨雞翼拼炸芝士，雞翼每人有四隻，每一隻都做得非常好食，再加埋七味粉，口感配搭上十足，雞翼唔會做得太辣，調味恰到好處 炸芝士就每人兩件，味道就中規中矩，咬落去芝士馬上爆出嚟，都幾好食 慢煮豬頸肉就係店員推介嘅，係餐牌上面沒有，係新嘅菜式，豬頸肉唔會做得好油膩，擺盤上，亦都做得非常靚仔，忍唔住即刻攞部電話出嚟影咗幾張相 豬頸肉嘅味道肉質肥瘦混雜，粗而帶韌，我會形容係送酒一流！而且佢既口感爽脆又有彈性，肉味非常濃郁同埋油份重，非常飽肚 新菜式黎講非常合格！朋友亦都讚不絕口
本身自己係一個好鍾意琴酒嘅人，差啲同店員傾到收唔到工 店員首先介紹咗四種唔同嘅gin俾我，我都每一款試咗少少，心大心細嘅我絕對揀唔到邊一種先係啱我 最後就揀咗一種以色列gin mix出嚟既negroni, 雖然呢一種雞尾酒係比較苦，佢再用咗一啲smoky嘅手法去present，成杯走嘅味道非常特別，店員亦都同我講呢一個做法係off menu，令到我覺得呢一杯就更加獨特 味道方便佢偏向甘囗，但係入口又會有回甘嘅味道，我就非常喜歡呢一個味道 朋友嗰一杯就係用gin soda大概調出來嘅味道，由於gin嘅質素非常好，用咗一種澳洲嘅gin，朋友非常喜歡呢一杯酒 由於店員非常友善，再加上我哋兩個係酒鬼嘅關係 我哋都飲唔住再叫多1 round! 今次我就私心想試下一種由中國上海調製嘅gin，而朋友就揀咗一杯由威士忌base組成嘅烏龍茶! 兩杯都冇令我地失望！！非常好飲！
總括嚟講，呢間餐廳嘅店員非常friendly，由一入座已經好關心每一位客人想飲啲乜嘢酒，亦都好主動咁會俾我哋試每一款唔同嘅口味！ 非常值得推介呢一間餐廳俾大家！ 食物嘅價錢喺尖沙咀嚟講，我覺得非常合理，而且份量亦都非常對得住佢本身嘅價錢！ 每一杯cocktail 亦都非常用心咁做比每一位顧客，呢個位非常值得推介俾大家，唔係每一間餐廳都可以做到 大家不妨可以去試吓 最值得欣賞嘅係店員會介紹每一款唔同嘅酒，唔會hard sell，務求係令到客人可以揀到一款自己最合適自己嘅一款雞尾酒 呢個位真係非常難得，就算去一間好出名嘅bar，店員亦都唔會有呢一個心思去為你tailor made! 所以非常推薦大家嚟呢一間餐廳去試吓佢嘅食物，甚至佢嘅雞尾酒
張貼
