Cambo ขุนทอง (The ONE)

營業中

休息中

呢間餐廳既午餐set真係好超值，價錢唔貴，都只係六、七十蚊，而且包埋餐湯同飲品，特式飲品都只係加$8，食物質素仲好好，又有我最愛既泰式甜品，的確係呢區必食既餐廳。午餐set_串燒沙爹配泰式炒飯 : 因為朋友唔食得辣，所以將泰式炒飯轉左白飯，串燒沙爹有牛雞豬各一串，炭火燒到好香，沙爹汁非常惹味!午餐set_泰式豬頸肉濕炒河 : 濕炒河好有泰式風味，配料多過河粉。香茅燒牛仔骨 : 牛仔骨都係炭燒，而唔係煎或炸，所以特別香，配酸辣汁一流!香芒糯米飯 : 糯米飯有普通糯米同紫糯米，糯米軟軟綿綿，軟硬度恰到好處，芒果超甜。