魔衣櫥咖啡廳 (已結業)

萬聖節就到～朋友話呢間餐廳萬聖節時氣氛十足！入到門口，都即刻驚驚哋。果然係勁具氣氛😱真係令我懷疑過係咪一間餐廳😂但睇得出餐廳老闆擺咗好多心機落去。而且空間好大坐得好舒服。🔍Bouillabaisse $138馬賽漁夫湯～其實本身想揀羅宋湯。但朋友話羅宋湯平日都整到，不如試個海鮮湯。第一啖落口夠熱👍🏻湯夠熱係好重要。而且鮮味十足，有蜆、魚柳、BB青口、蝦，無諗到個湯可以咁濃咁鮮🤙🏻🔍Australia Prime rib-eye $308朋友係愛牛表表姐。所以當然要一試呢到嘅牛。12oz勁夠份量，夠我哋兩個食🤣店員有比wasabi我哋沾醬，但我覺得唔沾醬更好味。而且非常juicy！超級厚身同大塊，絕對不會讓你失望。🔍French Yellow Chicken Breast $198呢個雞胸真係要大讚。雞肉非常結實又嫩口。要讚讚個醬汁，店員介紹係由7斤雞10斤菜熬製而成，最後朋友食食下牛都沾咗呢個醬汁😂加埋薯角，超級飽肚啊～🔍Canary $78由桃+波蘿+百香果溝出嘅梳打😛溫馨提示：飲前要搞拌一下，如果唔係第一、二啖會kick喉，不過味道係唔錯。🍽7/10