九爺牛腩 (新聲大廈)

營業中

休息中

今日去尖沙咀，上網搵到間食粉麵嘅，評價唔錯，性價比都高，就過去一試啦，果然冇令人失望嘅😃🥢牛魔王河牛魔王必食之選，有崩沙腩，牛肚，牛膀，牛肺，而且份量都唔少，個湯好香牛味，食得岀係真材實料熬製，並唔係味精湯。🐮招牌八寶河有崩沙腩，牛肚，牛筋，墨魚丸，魚蛋，牛丸，魚皮餃，貢丸。崩沙腩好軟嫩，唔會食到黐晒牙。牛筋香滑，重膠質，牛肚爽彈，河粉滑嘟嘟，唔會碎濕灦，索晒個湯，正！🥟雲呑一口一粒，皮薄餡靚，豬肉同蝦仁好爽口，鮮味突出，除咗牛腩之外，估不到雲吞呢啲都做得好岀色！🤗生菜🥬食番條菜感覺健康啲😆😆爽口鮮嫩翠綠，索左腩汁，唔錯唔錯。